Versaun Photoshop husi TASS/Getty imajen ho Chynara Madmikulova ho nia ain tiru rama. Imajen uza kloop.kloop.kp. Creative commons.

Rai rahun mo'os ona iha espektakulu Jogu Mundial Nomad nebe'e realiza iha Kirgizikistaun iha loron 03 to 08 fulan Setembru, ema balun hahu husu se osan investe ba eventu ida ho delegasaun nebe'e liu nasaun 40 kompetitor ba  desportu (20) tradisional Eurasia vale a pena ka lae?

Governu Kirgiziskistaun la fo hatene lolos hira mak gasta iha Jogu ne'e – no patrocinador sira mos fo apoiu financeiru makas ba eventu ne'e, maibe bazeia ba informasaun disponivel, orsamentu ba jogu ne'e liu $20 milliaun.

Ba rai ida ki'ak ho relatoriu defise livru eskolar no divida externa preokupante, millaun dollar ituan deit mos konsidera hanesan barak ona.

Maibe jogu sira ne'e hatudu exersisio inkrivel nebe'e marka republika ida ladun konesido no susar atu tama hanesan regiaun sovietika Asia Sentral.

Durante semana ida, global media fokus atensaun tomak ba Kirgizkistaun no ninia desportu espetakular uniku iha fatin exotiku hanesan Lagu Issyk-Kul, notisia sai to'o iha Britania, sira nia best-selling magazine Sun haklaken: Rama Akrobatiku no ema kaer ahi Wow publiku iha Jogu Nomad Mundial iha Kirgizkistaun.

Ho partikular interese ba magazine Sun, no meiu komunikasaun seluk, Twitter, no komunidade online Reddit, mak Chynara Madimkulova nia performance, tiru alvu ho nia a'in kaer rama lori bola ahi iha muleta nia leten.

Men on internet forums: “Women are inferior compared to me”

Women: pic.twitter.com/e6q8n6APDL

— David Rayfield (@RaygunBrown) September 13, 2016

Mane sira iha forun internet: “Feto sira ki'ik liu kompara ho hau”

Feto: pic.twitter.com/e6q8n6APD

— David Rayfield (@RaygunBrown) September 13, 2016

Talentoza Madmikulova, nebe'e iha imajen hasai husi fotografu Russia husi agensia Tass news, difisilmente sei sai publisidade diak ida ba Kirgizkistaun.

Imajen ne'e hetan retweets rihun husi Twitter no sa'e ba pajina prinsipal Reddit, no inspira onda furiosa photoshopping husi redditor nebe'e tuir mai sai iha katalogu husi media Kigizkistaun Kloop.kg:

Imajen kria husi utilizador Reddit Mal3ficent

Akademika Adrienne Mayor, audtora livru The Amazons: Lives and Legends of Warrior Women Across the Ancient World aponta ba abut istorika iha Madmikulova nia a'in:

@simplic10 @semiotechnic tradition of nomads #AcrobaticArchery ancient way of terrifying enemies with riding and archery skills, not for war

— Adrienne Mayor (@amayor) September 15, 2016

@simplic10 @semiotechnic tradisaun nomad #AcrobaticArchery forma antigu atu  halo tauk inimigu sira ho monta no skill rama, la'os ba funu

— Adrienne Mayor (@amayor) September 15, 2016

Liu rai seluk ho nia vizinho autoritariu, Kirgizkistaun halo esforsu atu sa'e iha sektor turismu.

Inisiativa hanesan Komunidade Baze Turismu ne'e — halo rede eskritoriu no kordenasaun uma familia iha area rural iha rai ne'e — no politika governu nebe'e hamo'os rejime visa iha paises 30, halo Kirgizkistaun manan ho aumentu maka's ba numeru vizita estranjeirus nian.

Tempu ma'ak sei dehan se cor oin-oi husi Jogu Mundial Nomad sai marca meresidu iha jornada ne'e ka, akrobasia karun deit.