Hare Lian hotu hotu iha ne'e? Ami traduz Historia Global Voices nian atu haklaken historia midia sidadaun nian ba ema hotu.

Hatene tan kona ba Tradusaun Lian  »

Governasaun di'ak iha Afrika: Cabo Verde di'ak liu, Angola a'at liu

Mo Ibrahim, Addis Ababa (arkivu). Foto: Mo Ibrahim Foundation

Mo Ibrahim, fundador Fundasaun ho nia naran. Foto (arkivu): Mo Ibrahim Foundation/ Flickr CC BY-ND 2.0

Ko'alia kona ba “governasaun di'ak” iha Afrika la'os materia fasil, prinsiplamente wainhira kestaun ne'e hare ba oinsa ma'ak sidadaun sira avalia governu. Iha ambitu ne'e, husi tinan 2007, ezisti inisiativa ida lansa husi Fundasaun Mo Ibrahim hanaran “Índice Mo Ibrahim” nebe'e tinan tinan sukat kualidade governasaun iha raik afrika liu husi kompilasaun dadus iha area oin-oin, iha edukasaun no partisipasaun politika.

Iha tinan ne'e, relatoriu lansa iha loron 3 fulan Outubro, iha Londres, no hatudu resultadu antagoniku tebes kona-ba rai sira ho Lian Ofisial Portugez (PALOP) iha materia “governasaun di'ak”. Angola tun dala ida tan iha indise, husi fatin 43 ba fatin 45, ho total 54 pais nian, maske iha tendensia positivu husi 2006.

Mais alto é impossível – Precisamos de paz em África. Mo Ibrahim A degradação da segurança e do Estado de Direito ao longo da última década provocou uma queda nos índices de governança em toda a África. Precisamos de paz! Você pode baixar uma cópia do relatório de 2016 #IIAG aqui: …

A'as liu impossivel – Ita presija dame iha Afrika. Mo Ibrahim, Degradasaun seguransa no Estadu Direitu nian iha dekada ikus provoka indise governanasaun Afrika tomak monu. Ita presija Dame! Ita bot bele hatun kopia ba relatoriu tinan 2016 nian iha #IIAG:…

Cabo Verde sai nafatin pais di'ak liu ba lian portugez ho terseiru lugar, nia konsegue pontu 73 iha 100, aumenta tan pontu 1,9 iha tinan sanulu ikus, iha Mauricias no Botswana nia kotuk. Relatoriu ne'e hatudu katak Angola hetan pontuasaun 39,2 iha eskala 100, ki'ik oan liu ba media global 50 pontus, resultadu ida nebe'e tau Jose Eduardo nia rain iha rai 10 ho pior avaliasaun, nebe'e destaka Somalia, Sudaun Sul no Republika Afrika-Sentru.

Maurícias, Botswana, Cabo Verde, Seychelles no Namíbia ma'ak Nasaun Afrikanu ho governasaun di'ak liu, dehan Fundasaun Mo Ibrahim.

Ho ne'e, São Tomé e Príncipe ma'ak iha fatin 11, hetan tan pontuasaun 2,9 husi 2007. Moçambique tur iha fatin 21, maibe ho keda pontuasaun 1,8 iha dekada ida nia laran. Guiné-Bissau  hela iha fatin 44, ho melhoria pontuasaun 4.

Fundasaun Mo Ibrahim fo premiu ba eis-presidente Moçambique no Cabo Verde, Joaquim Chissano no Pedro Pires, respektivamente, iha materia “governasaun di'ak” iha Afrika.

Hahu dada lia

Autor sira, favor ida Tama »

Linha Orientasaun

  • Kumentariu hotu sei hetan revisaun husi moderador. Labele haruka ita nia komentariu duplikadu.
  • Favor ida trata ema seluk ho respeitu. Komentariu abuzivu, ho linguazen odiu, obsceniu no atake pessoal sei la aprovadu .