Nia foin tinan 6, maibe Chef Kicha husi India iha Fans Iha Mundu Rai Klaran

Chef ki'ik-oan Kicha iha YouTube. Screenshot husi video.

Chef ki'ik-oan Kicha iha YouTube. Screenshot husi video.

“Kualker ema ida bele te'in” motto husi Chef Gusteus Fransa nian iha filme animasaun “Ratatouille“. Se karik ita bo'ot hare video youtube husi Chef ki'ik-oan ne'e ho tinan 6, Nihal Raj ka Kicha, husi bairru ida iha costa India sidade Kochi, ita bo'ot sei hatene saida ma'ak nia hakarak dehan. O tenki iha paixaun no orientasaun, no o sei hetan ksolok wa'in.

Kicha ma'ak estudante standard iha Choice School iha Thripunithura, Kochi, iha estadu Kerala India nian. Kicha hahu'u nia konta youtube ‘Kichatube‘ iha fulan Janeiru tinan 2015, husi ne'e nia sai hanesan sensasaun Youtube. Reseita dahuluk nebe'e nia publika ma'ak geladu picolé no ikus ma'ak biskoit marmelada, marmelada laranja, pudin nu'u, doce chocolate Oreo no fehuk nurak tandoori, sei fo naran balun. Nia iha ona video 31 ho visalizasaun atus ida resin.

Nia conta ni-nia fokuz ma'ak intriduz reseita foun no material ba labarik sira. Nia inan Ruby Rajagopal fo kbi'it ba nia no fo ba nia resita amigavel ba labarik sira — nebe signifika la ko'a, ta'a no te'in ho ahi. Tuir Kicha nia aman Rajagopal V. Krishnan, nia hahu te'in ho tinan 4 wainhira nia hare no ajuda nia inan tunu dosin iha dapur. Kicha gosta iha ema hare nia te'in, nune duni nia aman komesa filma nia ho nia telemovel no fahe iha Facebook, nebe hetan apresiasaun husi maluk no familia sira. Ikus mai nia loke konta Youtube no hahu upload video sira. Kicha sinti motivadu ba atensaun hotu nebe nia hetan no gosta hatan ba mensajen sira iha pajina Facebook.

Iha fulan Maiu tinan 2016, Facebook adkiri direitu la exklusivu ba nia video ida ho 2000 dolar atu uza ba Facebook nia kampanha foun “Space for Everyone”, halo nia sai artista otas ki'ik liu nebe'e fan direitu ba Facebook.

Iha ne'e ma'ak video Mickey Mouse Mango Ice-Cream nebe popular liu husi Chef Kicha, nebe Facebook hili:

Iha fulan kotuk, nia ba to'o iha Amerika atu tuir iha talk show popular Ellen DeGeneres, indiaoan ho otas ki'ik liu atu halo. Iha neba, nia te'in mata-bisu tradisional Kerala snack ho naran Puttu.

Kerala breakfast on Ellen in the most adorable way 😍😍! “6-Year-Old Chef Kicha Cooks with Ellen https://t.co/8VijnWsaDa via @ellentube

— Rachana Ramesh (@Vida_Esme29) September 24, 2016

Mata-bisu Kerala iha Ellen ho maneira adoravel  😍😍! “tinan 6 Chef Kicha te'in ho Ellen https://t.co/8VijnWsaDa via @ellentube

Chef ki'ik Kicha husi kochi iha Ellen show halo Puttu… Impressionante no matenek!!! Nune duni! https://t.co/ORsYmMRrlz

— Te'in ho Thas (@thasneen) Setembru 23, 2016

Video ne'e iha Ellen show hetan ona hamutuk 1.5 millaun vizualizasaun:

Kicha hetan domin husi  nia vizualizador sira. Hanesan  Rachel Verghese fo komentariu iha Facebook:

Kicha, you were adorable on the show. For a young six year old to be on Ellen's show was awesome and you did a great job. What an accomplishment. We are all proud of you.

Kicha, O murak los iha show ne'e. Ho tinan 6 deit mosu ona iha Ellen nia show ne'e maka'as tebes no o halo serviso di'ak. Manan bo'ot ida. Ami orgulho tebes ho O.

Kicha iha liu 12,000 subskritor iha ninia konta Youtube. Ita bo'ot mos bele akompanha nia iha Twitter.

Hahu dada lia

Autor sira, favor ida Tama »

Linha Orientasaun

  • Kumentariu hotu sei hetan revisaun husi moderador. Labele haruka ita nia komentariu duplikadu.
  • Favor ida trata ema seluk ho respeitu. Komentariu abuzivu, ho linguazen odiu, obsceniu no atake pessoal sei la aprovadu .